يقول عبدالرحمن الرشيد رحمة الله عليه كان عبدالله محمد الحمدان ابو عليوي جالس في المجلس فدخل رجل وسلم وذهب مباشرة لعبدالله محمد الحمدان ابو عليوي وقال له يا ابو عليوي انا داخل عليك بالله تبيعني ارضك اللي في حوض البقر حوض البقر الان هي العزيزيه وانا والله ما عندي الا هذي الفلوس وعندي عيال ويا الله ااكلهم داخل عليك بالله ما تردني .. وكان المبلغ اللي ذكره الرجال ما يجي خمسه بالمئة من قيمة الأرض ..
وكان عبدالله محمد الحمدان قد اشترى ارض كبيره على الشارع العام في حوض البقر التي هي الان العزيزيه في مكه ليبني له بيت هو وابناؤه ..
فقال له عبدالله محمد الحمدان ابو عليوي خير أن شاء الله نتقابل بكره في المحكمة أن شاء الله ..
وفي اليوم التالي أخذنا معاه ورحنا المحكمه عشان نشهد معاه وتقابل مع الرجال وافرغ له الأرض ووقع أنه استلم مبلغ البيع كاملا وخرج من المحكمة فلحقه الرجال وهو يناديه يا شيخ عبدالله ما اخذت الفلوس ..
قال له عبدالله محمد الحمدان ابو عليوي خليه هديه مني لعيالك . .
يقول عبدالرحمن الرشيد ركبنا السياره وكلنا مذهولين ما احد تكلم بكلمه .. وبعد فترة يقول عبدالرحمن الرشيد قلت يا عم عبدالله كيف تبيعه الأرض وما تأخذ قيمتها ..
يقول والله ما رد علي بكلمه واحدة إلى أن وصلنا البيت ..
رحمك الله يا عبدالله محمد الحمدان ابو عليوي
لا تعليق